Spurning:
Sæl.
Getur brjósklos í baki haft áhrif á kyngetu karlmanna?
Kærar þakkir.
Svar:
Sæll.
Brjósklos hefur oftast í för með sér mikla verki og vanlíðan. Það getur verið erfitt að finna þær stöður / stellingar sem losa mann undan verknum. Þessir þættir geta auðvitað haft áhrif á kynlífið. Þú segir ekkert til um hvar brjósklosið liggur, en almenna reglan er sú, að draga það ekki að leita til læknis ef það er farið að hafa áhrif á þvagblöðru eða kynlíf.
Ég ráðlegg þér því að hika ekki við að ráðfæra þig við þann lækni sem greindi brjósklosið hjá þér.
Gangi þér vel,
Erna Kristjánsdóttir, sjúkraþjálfari