Leki úr rassi

Sæll/sæl
Ég hef verið að finna fyrir óþægindum í rassgati og er stanslaust með þá tilfinningu um að ég þurfi
að skeina mig en svo er ekkert nema smá bleyta. Þetta er búið að vera í nokkra mánuði og er farið
að valda mér þónokkrum óþægindum. Einnig hefur verið erfiðara að hafa hægðir.
Ég er karlmaður á miðjum aldri.
Með ósk um svar fljótlega

Sæll og takk fyrir fyrirspurnina.

Þarna  er mögulega um gyllinæð að ræða. Hér er grein sem þú getur lesið þér til um þann kvilla. Ég hvet þig til þess að fara til heilsugæslulæknis og fá skoðun og mat á því hvort svo sé eða eitthvað annað á ferðinni og eins til þess að fá rétta meðferð.

Gangi þér vel