Lykkjan sem getnaðarvörn?

Spurning:

Sæll.

Ég las í blaði að ef konur eru með lykkjuna (ekki hormóna) þá sé ekki
æskilegt að skipta um rekkjunaut. Ef svo er, af hverju er það?

Með kveðju.

Svar:

Sæl.

Lykkjan er getnaðarvörn, hún veitir enga vörn gegn kynsjúkdómum.
Að skipta um rekkjunaut hefur í för með sér talsverð hættu á kynsjúkdómum (ekki bara hjá unglingum).

Fólk skal nota smokkinn fyrst um sinn í sambandi, svo er ráðlegt að fara í „kynsjúkdómatékk“. Ef allt reynist í lagi er óhætt að henda
smokknum og þá ætti lykkjan að reynast ágætasta getnaðarvörn.

F.h. Félags um forvarnir læknanema, forvarnir.com
Jón þorkell Einarsson, læknanemi