Óeðlileg tunga

Sæl.
Ég er búin að vera í vikutíma með mjög óeðlilega tungu. Hún er alveg blóðrauð, eins og lifur, og þar eru frekar djúpar rákir í henni 3 lóðréttar og ein lárétt. Mig svíður líka í hana. Hvað gæti hugsanlega verið að?
Bestu kveðjur

 

Sæl/l og takk fyrir fyrirspurnina

Það er ýmislegt sem getur valdið þessum einkennum en ein möguleg skýring er að um sé að ræða skort á járni, fólinsýru og/eða B12 vítamíni. Þetta er hægt að mæla með blóðprufu og ég ráðlegg þér að hafa samband við heimilislækni til að fá það gert. Þá er hægt að haga meðferð eftir því hvað kemur út úr prufunum. Ef þetta reynist ekki vera skýringin á einkennunum og þau lagast ekki, skaltu ráðfæra þig við lækninn þinn um framhaldið.

Gangi þér vel.