Byrjar pillan strax að verja mann fyrir þungun? Þ.e.a.s. að eftir að maður tekur fyrstu pilluna þá er maður örlítið ólíklegri til að verða óléttur og svo eftir 5 daga er maður mun ólíklegri til að verða óléttur heldur en þegar maður tók fyrstu pilluna og eftir 7 daga er maður komin með fulla vörn sem pillan getur gefið manni? Eða er maður alveg jafn líklegur að verða óléttur alveg þangað til að 7 dagarnir eru liðnir?
Læknirinn sagði að eftir sjö daga væri pillan farin að virka eins og hún ætti hjá mér en það gerðist smá óhapp hjá mér á fimmta deginum.
Með von um svar 🙂
Sæl og takk fyrir fyrirspurnina.
Eins og læknirinn sagði þá myndast ekki full vörn strax frá fyrsta degi en eftir því sem frá líður eru líkur á egglosi minni.
Á 5. degi pillutöku er því ekki komin full vörn.
Þú ert því ekki 100% örugg að þú sért ekki ófrísk.
Gangi þér vel.
Svanbjörg Pálsdóttir, hjúkrunarfræðingur.