Útferð og útbrot

Góðann daginn ég er búin að vera að fá mikið illa lyktandi útferð, brúnt og glært og líka mikið af hvítum eins og þurrblettum útum allt.. Eg vona þetta sé allt i trúnaði og að eg geti talað um þetta hér án þess að það sé skipað mér að fara í tékk eða sagt frá mér. en eg byrjaði að finna fyrir þessu fyrir kannski manuði eða 3 vikun.. Annars hef eg bara stundað kynlif 2x i mars, 1x i feb og mjog mikið i januar 🙂 endilega svara sem fyrst þvi eg hef fleiri spurningar og vona þetta se ekkert alvarlegt 🙂

Sæl og takk fyrir fyrirspurnina

Þú ættir klárlega að heyra í heimilislækni eða kvensjúkdómalækni og fá skoðun og mat á því hvort hér geti verið um kynsjúkdóm að ræða. Ef þú ert á höfuðborgarsvæðinu getur þú leitað á göngudeild húð og kynsjúkdóma, þar er opið frá kl 8-16, panta þarf tíma í síma  543 6050 og fullur trúnaður er þar eins og hjá öllum aðilum í heilbrigðiskerfinu.

Þú þarft ekkert að óttast það að lenda í leiðindum þar. Kynsjúkdómar eru því miður algengir einmitt vegna þess að svo margir þora ekki að leita sér aðstoðar. Það leiðir til þess að það eru fleiri sem ekki fá meðferð og smita aðra. Afleiðingarnar geta verið alvarlegar eins og til dæmis ófrjósemi en meðferðin er í flestum tilfellum einföld eins og til dæmis sýklalyf.

Vertu hugrökk og hringdu, ekki síst vegna þess að þú hefur áhyggjur og fleiri spurningar og þá er gott að fá persónulega aðstoð og ráðgjöf. Svo nota ég tækifærið og hvet þig til þess að nota smokk í framtíðinni, það kemur í veg fyrir svo ótalmargt 🙂

Gangi þér vel