Vonleysi og verkir

hæhæ. Ég er 51 árs og búin að vera greind með vefjagigt í um 25 ár. Það virðist vera góður kostur fyrir lækna að skella allri skuld á hana en mér finnst eins og eitthvað annað sé að því margt hefur breyst á síðustu 8 mán í mínu heilsufari. Ég hef engar lausnir fengið og er alltaf að versna meira meira. Ég hætti í vinnu í jan sl og er núna í ferli hjá Virk sem byrjar ekki fyrr en eftir sumarfrí og ég á mjög erfitt með að bíða. Í jan fékk ég nóg af vonleysi , orkuleysi, þreytu, verkjum, þunglyndi , svima og kvíða auk þess sem sviðaverkir í iljunum voru að gera útaf við mig og þessi einkenni eru öll til staðar enn og fara bara versnandi. Athugið að þetta er langt því frá að vera tæmandi upptalning. Ég sef illa og vakna oft svo verkjuð á nóttinni að ég get ekki hreyft mig í rúminu. Það gerist líka vegna sviðans í iljunum. Þarf stöðugt að vera að kæla iljarnar en sviðinn er mjög misjafn frá degi til dags. Oft vakna ég á morgnana með bólgið hné öðrum megin og hef engin svör eða lausnir fengið á því nema að það sé ekki blóðtappi. Stingir sem er erfitt að lýsa, svipað og rafstraumur eða nál sem er dregin eftir fótum og höndum er eitthvað sem byrjaði í des.Ég hef verið mikið á ferðinni í þeirri vinnu sem ég var í , mikið labb en ef ég fer út að labba núna er ég búin að gefast upp eftir 10 mín og það er eitthvað sem ég á ekki að venjast því ég hef verið dugleg að ganga svona almennt. Hins vegar var ég alltaf svo búin a því eftir vinnu að ég hafði ekki orku í neitt annað og gafst upp á endanum.Núna kem ég mér ekki í neitt af viti, enginn áhugi, orkuleysi,þreyta og margt sem stoppar mig alltaf, ég veit ég þarf að koma mér til verka en kemst ekki. Nú er svo komið að við hjónin stefnum á að fara erlendis í frí í byrjun næsta mánaðar og það er von mín að hugsanlega gætuð þið veitt mér einhver svör í átt að betri líðan svo ég geti nú kannski notið þess að ferðast. Það er alls ekki til í stöðunni eins og hún er í dag.

Bestu kveðjur

 

Sæl.

Vefjagigt fylgja fjölþætt vandamál og áskorun.  Með því að skilja sjúkdóminn sinn,hvað gerir einkenni verri og takmarkanir sínar er hægt að haga lífi sínu þannig að sjúkdómurinn haldi manni ekki niðri.  Mikilvægt er að vera í daglegri líkamsþjálfun,þol-og styrktaræfingar. Passa mataræði,forðast kofffín,áfengi,sykur og hvítt hveiti. Taka bætiefni og þá helst steinefni eins og magnesium. Stunda slökun,forgangsraða og skipuleggja fyrirfram daglegar athafnir.  Ég vil benda þér á góða fræðslusíðu vefjagigt.is þar sem er að finna mörg góð ráð.

 

Gangi þér vel