Ert þú beitt ofbeldi?

Á eitthvað af neðantöldu við um maka þinn?

  • Óttastu hann undir einhverjum kringumstæðum?
  • Er hann uppstökkur, skapbráður og/eða fær bræðisköst?
  • Verður auðveldlega reiður undir áhrifum áfengis?
  • Reynir að koma í veg fyrir að þú farir þangað sem þú vilt fara, eða að þú stundir vinnu, skóla eða áhugamál?
  • Fylgist með þér hvar og hvenær sem er?
  • Ásakar þig sífellt um að vera sér ótrú?
  • Gagnrýnir þig, vini þína og/eða fjölskyldu?
  • Ásakar þig stöðugt – ekkert sem þú gerir er rétt eða nógu vel gert?
  • Segir að „eitthvað sé að þér” þú sért jafnvel „geðveik”?
  • Gerir lítið úr þér fyrir framan aðra?
  • Hefur yfirráð yfir fjármálum ykkar og krefst skýringa á hverri krónu?
  • Eyðileggur persónulegar eigur þínar af ásettu ráði?
  • Hrópar/öskrar á þig eða börnin?
  • Ógnar þér með svipbrigðum, hreyfingum eða bendingum?
  • Hótar að skaða þig, börnin eða aðra þér nákomna?
  • Þvingar þig til kynlífs?
  • Hefur hann ýtt við þér, hrint þér, slegið til þín, eða slegið/barið þig eða börnin?

(Accessing Woman Battering in Mental Health Services, 1998. Edward W. Gondolf. ISBN 0-77619-1107-3).

Birt með góðfúslegu leyfi Samtaka um kvennaathvarf