Fjögur skref skyndihjálpar

Aðstæður í neyðartilfellum geta verið misjafnar en þeir sem veita skyndihjálp eiga ávalt að fylgja fjórum skrefum skyndihjálpar.

Fjögur skref skyndihjálpar
1. Tryggja öryggi og koma þannig í veg fyrir frekara slys. Það felur m.a. í sér að setja upp aðvörunarþríhyrning, stjórna umferð, kveikja á neyðarljósum og drepa á bílum. 
2. Meta ástand hins slasaða til að greina hvort um lífshættulegt ástand er að ræða eða ekki. Aðstæður á vettvangi og umkvartanir slasaðra gefa strax góða mynd af ástandinu.
3. Kalla til hjálp. Þegar hringt er í Neyðarlínuna 112 þarf að taka fram hvað gerðist, hvar slysið varð, hver er slasaður og í hvaða ástandi hann er og hversu margir lentu í slysinu. 
4. Veita viðeigandi skyndihjálp á rólegan og yfirvegaðan hátt.

Athugið þessar upplýsingar koma ekki í stað hefðbundinna skyndihjálparnámskeiða.

Birt með góðfúslegu leyfi Rauða kross Íslands.