Fótaaðgerðafræðingur

 

Starfssvið (hlutverk):

Fótaaðgerð er meðferð á fótameinum fyrir neðan ökkla, þ.e. á yfirborði húðar og tánöglum. Í starfi fótaaðgerðafræðinga felst:

  • skoðun á hreyfigetu og álag á fætur, ástand húðar og nagla meti.
  • klipping og þynning tánagla
  • fjarlægt sigg og líkþorn
  • vörtumeðferð
  • meðferð á inngrónum tánöglum m.a. með stál- eða plastspöngum
  • sérhæfð meðferð á fótum sykursjúkra: húðin skoðuð, hreyfigeta, mæling á tilfinningu, næmni, sársauka, blóðflæði, sárameðferð og ráðgjöf.
  • hlífðarmeðferð, sem felur í sér m.a. gerð skóinnleggja og sílikon stoðhlífa, bæði til réttingar og hlífðar fótum.

Ráðgjöf varðandi:

  • fótaumhirðu
  • barnafætur
  • val á skóm og öðrum fótabúnaði.

Við hverju má búast í fyrstu heimsókn þinni til fótaaðgerðafræðings?

Fótaaðgerðafræðingar taka á móti þér eins og annað fagfólk í heilbrigðisstéttum.

Þú gefur greinargóðar upplýsingar um heilsufar þitt og líkamlegt ástand, og þau lyf sem þú tekur að staðaldri.

Dæmigerð fótaaðgerð hefst á því að fæturnir eru látnir í volgt fótabað sem fylgt er eftir með skoðun á fótunum áður en meðferð hefst og henn lýkur oftast með fótanuddi. Slík meðferð tekur að jafnaði um 45 – 60 mínútur. Sérmeðferðir geta tekið lengri eða skemmri tíma, en hver fótameðferð er einstaklingsbundin.

K

.