Suð fyrir eyra

Hvað er suð fyrir eyra?

Það er hljóð sem ekki kemur frá umhverfinu. Hægt er að líkja þessu við sjávarnið, suð frá rafmagnssnúrum, vélarhljóð o.s.frv.

Suðið getur verið missterkt og getur verið stöðugt eða komið með hléum. Oft er eins og það tengist æðaslætti.

Hjá 90% einstaklinga, sem hafa suð fyrir eyrum veldur það einnig skertri heyrn.

Hver er orsökin?

  • Kvillar í hlustinni, t.d. eyrnamergstappi eða aðskotahlutur.
  • Gat á hljóðhimnu.
  • Kvillar í miðeyra, t.d. miðeyrnabólga.
  • Kvillar í innra eyra, t.d. skemmdir af völdum hávaða eða skert heyrn vegna aldurs eða völundarsvima (Meniere sjúkdóms).
  • Kvillar í heila, t.d. æðakölkun.

Aðrar orsakir:

  • of hár blóðþrýstingur
  • blóðleysi
  • of stór skammtur af astýlsalisýlsýru (sem er í sumum verkjalyfjum)

Sjaldgæfari orsakir:

  • góðkynja æxli á heyrnartauginni (hjúpæxli heyrnartaugar – acusticus neurinoma)

Hvað er hægt að gera?

Hafið samband við háls-, nef- og eyrnalækni sem reynir að finna orsökina með rannsóknum.

Er hægt að meðhöndla suð fyrir eyra?

Víða eru menn að prófa sig áfram en hafa enn ekki fundið meðferð sem virkar fyrir alla.

Ef heyrn er skert mun heyrnartæki oft draga úr suðinu.

Sumir nota tæki sem nánast dulbúa suðið með lægra hljóði, sem ekki veldur eins miklum óþægindum.

Ef suðið er mikið geta róandi lyf verið gagnleg. Í sumum tilvikum hverfur suðið án meðhöndlunar.

Hvað er til ráða?

Reyna skal að leiða suðið hjá sér jafnvel með aðstoð sálfræðings.

Hafið hljóð í bakgrunninum, t.d. ljúfa tónlist.