Tannréttingar

 

Hvenær er tímabært að heimsækja tannréttingasérfræðinginn?

Á þriðja aldursári eru allar barnatennur yfirleitt komnar fram og þá ætti barnið að vera farið að kynnast tannlækninum sínum. Tannlæknirinn lítur eftir öllu viðkomandi tönnum, þar á meðal tann- og bitskekkju, og vísbendingum um þörf fyrir tannréttingu. Tannréttingasérfræðingar hafa lokið þriggja ára framhaldsnámi í sinni grein og því leita aðrir tannlæknar oftast til þeirra þegar tannskekkja uppgötvast. Tilvísun er þó ekki nauðsynleg og geta foreldrar leitað beint til tannréttingasérfræðinga hvenær sem er. Í hugum flestra eru unglingsárin sá tími sem tengist tannréttingu með spöngum eða svokölluðum föstum tækjum. Mörg vandamál er þó auðvelt að leysa fyrr, sérstaklega getur verið áhrifaríkt að grípa inn í þegar fyrstu fullorðinstennurnar eru að koma fram við 6 til 8 ára aldur.

Hver er tilgangur meðferðar á tannskiptaaldri?

  • Að skapa skilyrði fyrir eðlileg tannskipti og kjálkavöxt.
  • Að koma í veg fyrir grófar tann- og bitskekkjur, þvingunarbit og andlitsskekkjur.
  • Að draga úr framstæði framtanna til að minnka hættu á áverkum, t.d. brotnum framtönnum.
  • Að stöðva óæskilega ávana, s.s. fingursog og tunguþrýsting.
  • Að draga úr vandamálum við tal og öndun.
  • Að minnka líkur á tannskemmdum með því að gera tannhreinsun auðveldari.
  • Að viðhalda tannbilum fyrir undirliggjandi fullorðinstennur ef barnatennur hafa tapast ótímabært.
  • Að koma í veg fyrir stríðni vegna tannskekkju.

Í mörgum tilfellum getur besta meðferðin falist í bið með tannréttingar þar til tannskiptum lýkur við 10 til 15 ára aldur, eða jafnvel í sumum tilvikum þar til vexti er að mestu lokið.

Mikilvægt er að tannréttingasérfræðingurinn sé hafður tímanlega með í ráðum til að hægt sé að tímasetja aðgerðir þannig að þær verði eins markvissar og einfaldar og mögulegt er.

Að hverju þarf helst að huga?

Hvað veldur tannverkjum?

  • Miklu yfirbiti og framstæðum tönnum.
  • Opnu biti á framtannasvæði.
  • Meðfæddri tannvöntun; fullorðinstönnum sem myndast ekki.
  • Krossbiti og saxbiti.
  • Miklum þrengslum á framtannasvæði.
  • Óeðlilegri stöðu fullorðinstanna sem hindrar að þær komi fram.

Birt með góðfúslegu leyfi Tannlæknafélags Íslands af vef þeirra tannsi.is