Þarf ég heyrnartæki?

Merki um heyrnarskerðingu?

Heyrnarskerðing er mjög algeng, í raun verður tíundi hver maður fyrir einhverri tegund heyrnarskerðingar.

Margir taka ekki eftir því að heyrnin skerðist og þeir eiga einnig erfitt með að viðurkenna það m.a. vegna þess að heyrnin skerðist smámsaman. Oft uppgötvar fólk heyrnarskerðingu vegna ábendinga frá öðrum.

Eftirfarandi spurningar geta hjálpað þér að taka ákvörðun um hvort ástæða sé til að fara í heyrnarmælingu.

  • Hváirðu oft?
  • Finnst öðrum að þú stillir útvarpið eða sjónvarpið of hátt?
  • Finnst þér hljóð lágvær og að aðrir muldri þegar þeir tala við þig?
  • Hefurðu són í eyrunum?
  • Heyrirðu illa þegar þú talar í símann?
  • Áttu erfitt með að taka þátt í samtali þar sem er hávaði eða margmenni?
  • Er hávaði á vinnustaðnum þínum?
  • Áttu auðveldara með að skilja karlmannsrödd en konurödd?
  • Veldur það þér vandræðum að missa úr því sem sagt er þegar þú hittir ókunnuga?
  • Ferðu sjaldna á mannamót vegna þess að þú átt erfitt með að ná því sem um er talað?
  • Veldur það þér depurð að þú heyrir ekki vel?

Ef þú svarar játandi einni eða fleiri ofantalinna spurninga þá átt þú ef til vill við heyrnarskerðingu að stríða og þá væri gott að fá úr því skorið með heyrnarmælingu.

Ellisif Katrín Björnsdóttir, heyrnarfræðingur