Eyrnaverkur

Hver er orsökin?

Verkir frá eyra geta komið frá hlustinni eða miðeyranu.

Eyrnamergur:

Eyrnamergur getur safnast upp í hlustinni og á endanum myndað tappa. Það skerðir heyrnina og getur einnig valdið verkjum. Hægt er að leysa tappann upp með glýseróli eða sérstökum dropum, sem fást í apótekum. Yfirleitt þarf þó að leita til læknis til að skola merginn út. Eyrnapinnar gera ekkert gagn þar sem þeir þrýsta mergnum lengra inn í eyrað og gera illt verra.

Exem:

Exem í eyranu getur valdið verkjum. Ef um exem er að ræða er mikilvægt að nota ekki eyrnapinna eða þess háttar verkfæri til að pota inn í eyrað. Það gerir yfirleitt illt verra. Eyrnadropar geta linað verkina og dregið úr ertingunni. Sjá nánar í kafla um hlustargangsbólgu.

Miðeyrnabólga:

Verkurinn kemur innan úr eyranu. Miðeyrnabólga með bakteríusýkingu eða án hennar er algengasta orsök eyrnaverkja. Aukinn þrýstingur í miðeyranu veldur spennu í hljóðhimnunni. Það veldur verkjum og dregur úr heyrn (langoftast tímabundið). Nefdropar, sem eru fáanlegir án lyfseðils í apótekum, draga úr bólgu í slímhimnum nefsins og bæta þannig loftflæðið milli nefhols og miðeyra svo að loftið getur streymt um kokhlustunarrörið sem liggur á milli nefholsins og miðeyrans. Þetta getur einnig dregið úr þrýstingi í miðeyranu og þar með linað verkina.

Hver er meðferðin?

Neflyf; draga saman æðarnar í slímhúð nefsins, minnka bólgur og nefrennsli til skamms tíma þannig að rennsli frá miðeyranu komist aftur á.

Drixin® Drixin®“Mentol“ Nezeril®
Otrivin® Otrivin®Menthol Nexól®
Clarinex® Lunerin®

Væg verkjalyf, eru einnig nauðsynleg fyrir börn þar sem verkirnir geta verið mjög miklir. Best er að nota fljótandi lyf eða endaþarmsstíla. Ef hljóðhimnan springur getur verkjalyf dregið úr verkjunum. Rör í eyra, vegna tíðra eyrnabólga nær vökvinn að renna frá miðeyranu. Þess ber þó að geta að þessi rör geta stíflast. Ef stækkaðir nefkirtlar eða separ eru fjarlægðir getur það dregið úr líkum á endurteknum eyrnabólgum.

Ráðleggingar

Einnig er hægt að reyna að sofa með hærra undir höfði og að taka væg verkjastillandi lyf sem innihalda asetýlsalisýlsýru eða parasetamol. Hafa ber í huga að aðrar reglur gilda um verkja- og hitameðferð á börnum. Ekki má gefa þeim verkjastillandi lyf, þrátt fyrir mikla verki nema í samráði við lækni.