hvernig fær maður fitubjúg greindan og hvað er til ráða
Sæl/l og takk fyrir fyrirspurnina.
Fitubjúgur (lipoedema) er óeðlileg fitusöfnun frá nára og læri og niður á ökla og stundum fylgir þessu sogæðabjúgur. Fitubjúgur kemur oft fram í tengslum við hormónabreytingar ss kynþroska, þungun eða tíðahvörf. Fyrsta greining er í höndum heimilislæknis sem getur sent viðkomandi áfram til innkirtla-eðg æðalæknis ef þörf þykir.
Það er engin lækning til en ýmis ráð til að halda niðri einkennum og felast þau í sérstöku sogæðanuddi, þrýstisokkum og vafningum,æfingum og mataræði.
Gangi þér vel,
Guðrún Ólafsdóttir, hjúkrunarfræðingur