Hvað veldur því að ég mælist með 35.4 stiga hita
Sæll og takk fyrir fyrirspurnina
Eðlilegur líkamshiti er á bilinu 36.5°-37.5°
Ef þú mælist lægri myndi ég véfengja mælitækið sem þú ert að nota. Mælarnir sem verið er að selja eru misnákvæmir og misjafnlega auðveldir í notkun.
Ennismælar, mælar undir hendi, munn- og eyrnamælar geta allir gefið of lága niðurstöðu af ýmsum ástæðum.
Gamli góði rassmælirinn er nákvæmastur. Ef þú mælist 35.4°í mælingu með kvikasilfurmæli í endaþarmi sem er rétt framkvæmd þá telst það óeðlilegt.
Slíkt gerist nánast aldrei nema um ofkælingu sé að ræða.
Ofkæling á sér stað þegar fólk er í miklum kulda, það gerist ekki í venjulegum aðstæðum í heimahúsi.
Með kveðju
Guðrún Gyða Hauksdóttir, hjúkrunarfræðingur