Spurning:
Sæl.
Ég var erlendis með vinum mínum fyrr í sumar og við fengum okkur öll gervihúðflúr (Henna) á vinstri ökklann. Maðurinn sagði að þetta entist í 2 til 3 vikur.
Nú mánuði síðar er allt farið af vinum mínum en ég er með þykkt rautt far sem er alveg eins í laginu og húðflúrið. Þetta minnir soldið á brunasár og mig klæjar ógurlega.
Auk þess er ökklinn stokkbólginn og þessa dagana ég fæ far eftir röndina (teygjuna) á vinstri sokknum en venjulega er ekkert far. Hvað á ég að gera í þessu? Getur læknir gert eitthvað við þessu? Þarf ég kannski eitthvað krem?
Með kærri kveðju.
Svar:
Komdu sæl.
Þakka þér fyrirspurnina.
Af lýsingu þinni á útliti fótsins gæti ég haldið að þú hefðir fengið ofholdgun í vefinn eftir húðflúrið og/eða ónæmisviðbrögð undan efninu sem notað var (gerist oft við notkun á rauðum lit aðallega). Ráðlegg ég þér að leita húðsjúkdómalæknis vegna kláðans og bólgunnar.
Laser-lækning ehf. býður upp á meðferð með ljós-geisla tækni sem eyðir lit húðflúrsins auk þess sem við getum unnið á þykknun í húð – ef hún er ofholdguð.
Veffangið er: www.laserlaekning.is
Bestu Kveðjur, Hrönn Guðmundsdóttir, hjúkrunarforstjóri Laserlækningu.