Kláðamaur

Helstu smitleiðir eru við nána snertingu milli manna

Helstu einkenni eru:

  • Kláði (sérstaklega að nóttu til).
  • Mjóar rauðar rákir á húðinni.
  • Útbrot og afrifur á húð vegna klórs.
  • Einkenni geta komið nokkrum vikum eftir fyrstu sýkingu, en eftir endurteknar sýkingar kemur kláði eftir nokkra daga.  Kláðinn getur haldið áfram í nokkra vikur eftir rétta lyfjameðferð.

Greining:

  • Fer fram hjá lækni

Meðferð:

  • Hverfur ekki af sjálfu sér og þarfnast því alltaf meðferðar.
  • Lyfjameðferð í samráði við lækni og fylgja leiðbeiningum vel.
  • Venjulega er ein lyfjameðferð árangursrík en þó má endurtaka meðferð eftir 7-10 daga ef þörf er á.
  • Mikilvægt að bera mýkjandi krem á líkamann daginn eftir meðferð og eftir þörfum.
  • Kláði getur varað í allt að 6 vikur eftir meðferð og því eru oft notuð kláðastillandi lyf samtímis.
  • Mikilvægt að öll fjölskyldan fái samtímis meðferð þó einkenna sé ekki vart.

Ráðleggingar:

  • Þvo föt, handklæði, sængurföt, greiður, bursta og annað sem kemst í snertingu við líkamann úr 50° heitu vatni (minnst 15 mín.).
  • Þau efni sem ekki má þvo úr svo heitu vatni ætti að setja í lokaðan poka í 2 vikur.
  • Gott að klippa neglur hjá börnum með smit og ef til vill láta þau sofa með hanska.
  • Daginn eftir meðferð má barn fara aftur í skólann.

Hvað er hægt að gera til að forðast kláðamaur?

  • Gott að minna börn á að fá ekki lánuð föt, trefla o.s.frv. hjá öðrum.
  • Fylgjast með einkennum á þeim svæðum sem kláðamaurinn herjar á, það er:
    • Milli fingra, greipar og handarbök
    • Úlnliði og olnboga
    • Undir höndunum
    • Húðin umhverfis naflann
    • Geirvörtur kvenna
    • Kynfæri karla
    • Innanverð læri og mitti

Grein þessi er fengin af vef Heilsugæslu höfuðborgarsvæðisins