Getur Viagra haft áhrif á blóðþrýstinginn eftir kynlíf.
Sæl/l og takk fyrir fyrirspurnina
Samkvæmt sérlyfjaskrá:
„Áhættuþættir hjarta- og æðasjúkdóma
Áður en einhver meðferð við ristruflunum hefst skal læknirinn rannsaka ástand hjarta- og æðakerfis sjúklingsins þar sem nokkur áhætta er fyrir hendi hvað varðar hjartað í tengslum við samfarir.
Síldenafíl hefur æðaútvíkkandi eiginleika, sem valda vægri og tímabundinni lækkun blóðþrýstings (sjá kafla 5.1). Læknirinn skal íhuga vandlega áður en síldenafíli er ávísað, hvort sjúklingar með ákveðna undirliggjandi sjúkdóma gætu fengið aukaverkanir vegna slíkra æðaútvíkkandi áhrifa, einkum í tengslum við samfarir.
Sjúklingar, sem eru í aukinni hættu vegna æðaútvíkkandi áhrifa eru m.a. þeir sem eru með útflæðisteppu í vinstra slegli (t.d. ósæðarþrengsli, hjartavöðvakvilla með útstreymishindrun) eða þeir sem eru með mjög sjaldgæf heilkenni fjölþættrar visnunar æðakerfis sem einkennist af alvarlega skertri sjálfstjórn á blóðþrýstingi.
VIAGRA eykur blóðþrýstingslækkandi áhrif nítrata (sjá kafla 4.3).
Eftir markaðssetningu hefur, í tengslum við notkun VIAGRA, verið greint frá alvarlegum hjarta- og æðaáföllum, þar á meðal kransæðastíflu, hvikulli hjartaöng (unstable angina), skyndilegum hjartadauða, sleglatakttruflunum, heilablæðingu, skammvinnum heilaeinkennum vegna blóðþurrðar (transient ischemic attack), háþrýstingi og lágþrýstingi. Flestir þessara sjúklinga, en þó ekki allir, voru fyrir í hættu að fá hjarta- eða æðaáfall. Mörg þeirra tilvika sem greint var frá áttu sér stað meðan á samförum stóð eða fljótlega að þeim loknum og nokkur tilvikanna áttu sér stað skömmu eftir inntöku VIAGRA án þess að samfarir ættu sér stað. Ekki er unnt að kveða upp úr með það hvort þessi atvik tengjast þessum þáttum beint, eða öðrum þáttum.“
En samkvæmt töflu um aukaverkanir eru hraðtaktur og hjartsláttarónot, áþrýstingur og lágþrýstingur sjaldgæfar aukaverkanir (³ 1/1.000 til <1/100).
Hér getur þú séð fylgiseðilinn í heild sinni:
https://www.ema.europa.eu/en/documents/product-information/viagra-epar-product-information_is.pdf
Gangi þér vel,
Sigrún Eva Sigurjónsdóttir