Segið mér, hvað er nr.1 Pseudomonas aeruginosa ?
nr.2 hvað er Staphyloccocus aureus ?
nr.3 hvað er Candida albicans ?
nr.4 hvað er Aspergillus niger ?
með fyrirfram þakkir með frábæra þjónustu,
og kveðju
Sæl/ll og takk fyrir fyrirspurnina
- Pseudomonas aeruginosa eru umhverfisbakteríur sem finnast m.a. í jarðvegi og vatni og valda helst sýkingum hjá sjúklingum á sjúkrahúsum, einkum gjörgæslum og hjá ónæmisbældum sjúklingum.
- Staphyloccocus aureus er baktería sem algengt er að valdi matareitrun en einnig getur hún valdið öðrum sýkingum í húð, lungnabólgu, heilahimnubólgu o.fl.
- Candida albicans er sveppur sem er til staðar í flestum einstaklingum. Alla jafna gerir hann okkur ekki mein en ef hann fjölgar sér getur hann valdið sveppasýkingum sem algengastar eru í húð og leggöngum.
- Aspergillus niger er sveppur sem getur m.a. valdið lungnabólgu en einnig myglu í ákveðnum fæðutegundum.
Gangi þér vel
Sigríður María Lárusdóttir, hjúkrunarfræðingur