Bjúgur og sár á fótleggjum

Hvað er hægt að gera ,læknar her í XX  eru ráðþrota,endalausir verkir. Takk fyrir

Sæl/l og takk fyrir fyrirspurnina

Þú þarft að halda áfram að hitta lækni og gefa þeim tækifæri á að aðstoða þig. Það er misauðvelt að leysa svona vandamál og stundum þarf að reyna töluvert á þolinmæðina á meðan verið er að reyna mismunandi lyf til þess að aðstoða nýrum við að losa þig við vökvann sem safnast út í vefina í stað þess að verða að þvagi.

Vertu dugleg/ur að drekka vatn, forðastu salt eins og hægt er. Hafðu  hátt undir fótum og vandaðu vel skófatnað. Forðastu eins og hægt er að vera lengi  í kyrrstöðu (standa kyrr lengi í einu) en róleg ganga á milli þess sem þú situr með hátt undir fótunum ætti að aðstoða þig.

En lykilatriði er að gefast ekki upp þó það taki lækna tíma að finna rétta svarið heldur reyna að vinna með þeim að lausn vandans.

Gangi þér vel

Guðrún Gyða Hauksdóttir, hjúkrunarfræðingur