Hvernig lýsir hjartaáfall sér
Sæl/ll og takk fyrir fyrirspurnina
Hjartaáfall verður þegar skortur er á blóðflutningi og þar með súrefni til hjartavöðvans. Oftast er því um að kenna að stífla verður í æðunum sem sjá um að flytja blóðið til hjartans.
Einkenninn sem einstaklingurinn finnur fyrir eru einstaklingsbundinn og það fer líka eftir því hve mikil truflunin á starfssemi hjartans verður. Eins hefur það verið staðfest að það getur verið munur á upplifun kvenna og karla.
Algengustu einkenni eru:
- Verkur, seyðingur, þrýstingur eða þyngsli fyrir brjóstinu
- Verkur, dofi eða óþægindi í efri hluta líkamans, s.s. í baki, handlegg, öxl, hálsi, maga eða kjálka/tönnum.
- Mæði
- Ógleði, uppköst, uppþemba eða brjóstsviði.
- Sviti og/eða kaldsveitt húð.
- Hraður eða ójafn hjartsláttur.
- Svimi eða yfirlið.
Þú getur lesið þér betur til HÉR
Gangi þér vel
Guðrún Gyða Hauksdóttir, hjúkrunarfræðingur