Sæl/ll ég hef mikiđ pælt í því hvađ veldur því ađ hjartalokur límist saman og eru þá bara tvær ađ vinna í raun. Fékk ađ vita þetta þegar ég fór í hjartaómun fyrir 3 árum og hef talađ viđ hjartalækni sem sagđi ađ þađ væri ekkert. Fékk líka ađ vita þegar ég var 12 ára ađ hjartađ í mér væri of stórt og ég væri líka međ íþróttahjarta. Er þetta eitthvađ sem ég þarf ađ hafa áhyggjur af og hafa samband viđ annan hjartalækni.
Sæl/l og takk fyrir fyrirspurnina.
Það eru fjórar hjartalokur í hjartanu og eru þær með tví -og þrískiptum „blöðum“. Í þínu tilfelli eru tvö blöð í þriggja „blaða“ loku samvaxin eða límd saman eins og þú segir. Þetta getur haft áhrif á blóðstreymi milli hjartahólfa en það er nokkuð sem hjartalæknir metur í hjartaómun. Íþróttahjarta er tilvísun í stærri hjartavöðva sem þolíþróttamenn fá oftast eftir miklar úthaldsæfingar. Það er hættulaust en hjarta getur líka stækkað vegna sjúkdóma í hjarta og þarf að skilja þar á milli. Ef þú hefur ekki fengið viðunandi skýringu á þínu ástandi hjá hjartalækni skaltu fá aftur tíma hjá honum og gott að vera með spurningar skrifaðar niður og skrifa jafnframt niður svörin.
Gangi þér vel,
Guðrún Ólafsdóttir, hjúkrunarfræðingur