Hverjir fá Levy-body sjúkdóminn – og hvernig lýsir hann sér? Er hann geðsjúkdómur? Fá sumir bara væg einkenni veikinnar?
Sæl/l og takk fyrir fyrirspurnina.
Lewy body sjúkdómurinn er ekki geðsjúkdómur en minnissjúkdómur eða elliglöp og er næst algengasti minnissjúkdómurinn á eftir Alzheimar. Ýmis geðræn einkenni sjúkdómsins geta minnt á einkenni einhverra geðsjúkdóma. Orsök hans eru óeðlilegar útfellingar alpha-synuclein próteina í heila og nefnast útfellingarnar Lewy body eftir þýskum lækni sem greindi þær fyrst.
Einkennin eru mörg fyrir utan minnistap. Það geta verið:
Ofskynjanir eða sýnir af dýrum, fólki eða skuggamyndum og hljóðum,lykt eða snertingu.
Skert hreyfigeta með Parkinsons lík einkenni.
Stjórntruflanir í ósjálfráða taugakerfinu sem kemur fram í flöktandi blóðþrýsting, púls, svitamyndun og truflun í meltingarkerfinu.
Truflun á vitrænaþátum með rugli, einbeitingaskorti, svefntruflunum, athyglisbresti, taltruflunum, syfju og störu út í loftið.
Þunglyndi og sinnuleysi.
Þetta er hrörnunarsjúkdómur sem ágerist og er langt oftast sjúkdómur hjá eldra fólki og er enn ólæknandi en ýmis lyf eru til að hægja á framvindu. Fyrr talin einkenni geta verið misáberandi hjá einstaklingum sem þjást af sjúkdómnum.
Með kveðju
Guðrún Ólafsdóttir
Hjúkrunarfræðingur