Ég er með niðurstöður af blóðprufum sem voru teknar hjá mér.
mig langar tl að vita hvernig sökkið er skammstafað á þessu blaði sem er
merkt Blóðmeinafræði.Það eru svo margar skammstafanir að maður veit ekki hver er hvurs og hvurs er hvað. Væri ekki hægt að skýra þessar skammstafanir á íslensku. Ég tek sem dæmi : MCV,MCH,MCHC,RDW,MPV,NRBC,HbALC,B 12, ASAT, og GAMMA GT, svo eitthvað sé nefnt.
Sæl/ll og takk fyrir fyrirspurnina.
Ástæðan fyrir skammstöfun á þessum heitum er til að hafa þau alþjóðleg eins og margt annað í læknisfræðinni og vísindaheiminum svo auðvelt sé að vinna með gögn landa og/eða heimshorna á milli.
Mikilvægast er að ráðfæra sig við lækni þegar niðurstöður eru skoðaðar.
Því eins og sést, þá segja íslensku heitin lítið.
MCV: meðal stærð rauðra blóðkorna
MCH: meðalhemóglóbín í rauðu blóðkorni
MCHC: meðalhemóglóbínþéttni rauðra blóðkorna
RDW: mismunandi stærð rauðra blókorna
MPV:meðal stærð blóðflaga
NRBC: deilitalning hvítra blóðkorna
HbALC: langtímasýkur
B 12: b12 vítamín
ASAT og GAMMA eru niðurstöður lifrarprófa, svo eitthvað sé nefnt.
með kveðju,
Lára Kristín Jónsdóttir, hjúkrunarfræðingur.