Hver eru einkenni þess?
Sæl/l og takk fyrir fyrirspurnina.
Helstu einkenni sykursýki eru:
- þorsti
- tíð þvaglát
- þreyta
- lystarleysi og þyngdartap
- kláði umhverfis kynfæri
- sýkingar í húð og slímhúðum.
Þessi einkenni eiga við bæði insúlínháða og insúlínóháða sykursýki. Einkenni insúlínháðrar sykursýki koma fram á nokkrum vikum en þróun insúlínóháðrar sykursýki á sér yfirleitt lengri aðdraganda (allt upp í 10 ár) og sjúklingurinn getur verið einkennalaus eða einkennalítill mjög lengi.
Ef þú ert með eitthvað af þessum einkennum skaltu leita til þíns heimilislæknis sem getur getur gert einfalt og fljótlegt sykurpróf á þér.
Gangi þér vel,
Guðrún Ólafsdóttir,
hjúkrunarfræðingur