Góðan daginn ! Fór í keiluskurð og út úr því kom að í sýninu fannst 3. stigs frumubreyting. Hvað þýðir það.
Sæl og takk fyrir fyrirspurnina.
Frumubreytingum í leghálsi er skipt upp í 3. stig eftir því hversu alvarlegar þær teljast.
- stig – lágráðu frumubreytingar
- stig –meðalgráðu frumubreytingar
- stig – hágráðu frumubreytingar.
3. stigs frumubreytingar eru ekki krabbamein en geta þróast í það ef ekkert er að gert. Keiluskurður fjarlægir og læknar hágráðu frumubreytingar hjá flestum konum. Í framhaldi af keiluskurði áttu að fá boð um nýja sýnatöku 6 mánuðum síðar. Ef sýnið er eðlilegt færð þú boð í reglulega skimun í framtíðinni og ekki er þörf á frekara eftirliti. Í öðrum tilvikum færðu boð um eftirlit.
Endilega hafðu samband við þinn lækni ef þú hefur frekari spurningar.
Læt fylgja bækling frá Embætti Landlæknis um skimun vegna frumubreytinga í leghálsi.
Gangi þér vel,
Auður Hávarsdóttir, hjúkrunarfræðingur