bloðhlaupið auga
Sæl og takk fyrir fyrirspurnina.
Það eru oft ekki skýringar á því af hverju æð í hornhimnu rofnar og getur það gerst fyrirvaralaust. Algengar ástæður eru annars mikil líkamleg áreynsla, hóstakast,uppköst eða hnerrri. Eins áverki á auga og aðgerðir á auga. Einstaka sinnum getur þetta verið merki um háan blóðþrýsting, illa stjórnaða sykursýki eða augnsýkingu. Eins eru þeir sem eru á blóðþynnandi meðferð eða fyrirbyggjandi meðferð eitthvað útsettari fyrir blæðingu. . Venjulega hreinsast blæðingin upp á einni eða tveimur vikum og óþarfi að grípa inn í það ferli.
Ef blæðing er endurtekin eða önnur einkenni fylgja skaltu leita strax til þíns heimilislæknis.
Gangi þér vel.
Guðrún Ólafsdóttir
Hjúkrunarfræðingur