augnlok bólgið og særindi í auga.
Sæl/l og takk fyrir fyrirspurnina
Ef þetta er vægt, gætir þú þvegið augað með soðnu vatni og bómullarskífu tvisvar á dag að minnsta kosti. Þá þværðu utanfrá og í átt að augnkróknum. Ef þetta lagast ekki á 1-2 dögum mæli ég með að þú látir kíkja á augað.
Hérna eru fleiri ráð:
- Athugið að slímhimnubólga getur smitast á milli augnanna, yfirleitt þegar augun eru nudduð.
- Þvoið gröft og jafnvel hrúður af með volgu (soðnu) vatni eða saltvatni, það dregur einnig úr einkennum.
- Notið einnota vasaklúta þegar þið þurrkið ykkur um augun og hendið þeim á eftir. Það dregur úr smithættunni.
- Einstaklingar með bólgu í auga ættu að nota eigin handklæði.
- Hendið bakteríudrepandi augnlyfjum þegar meðferð er hætt.
Þú getur lesið þér til meira til um bólgu í auga/um hér: https://doktor.is/sjukdomur/slimhimnubolga-i-auga
Gangi þér vel,
Sigrún Eva Sigurjónsdóttir, hjúkrunarfræðingur