Sæl. Ég er 55 ára og er komin með svona freknubletti á handleggina og einhverja á andlitið, eru þetta öldrunarblettir og er ég ekki of „ung“ til að fá þá ?
Sæl og takk fyrir fyrirspurnina.
Öldrunarblettir geta byrjað að birtast við fimmtugsaldurinn og jafnvel fyrr hjá þeim sem eru mjög mikið í sól. Blettir koma helst fram þar sem sólin skín mest á sem eru hendur,andlit og axlir. Þessir blettir eru hættulausir og ekkert gert við þeim en lýtalæknar og húðfegrunarstöðvar geta dregið úr lit á blettum með lasermeðferð. Annars er að takmarka sól á þessa viðkvæmu staði og nota vel af sólarvörn til að hægja á myndun bletta.
Gera þarf greinarmun á öldrunarblettum og fæðingablettum sem eru að breytast í útliti. Ef þú ert ekki viss hvort er um að ræða skaltu fara til læknis til að skera úr um það.
Með kveðju
Guðrún Ólafsdóttir
Hjúkrunarfræðingur