Fyrirspurn:
Góðan dag.
Ég var hjá tannlækni í morgun og læknirinn spurði hvort að ég væri á lyfjum, vegna þess að það væri svo mikill þurrkur í munnvatninu. Ég sagði honum að ég tæki eina tegund af lyfi sem ég væri búin að taka í mörg ár sem heitir "Levaxin" og ég hafi ekki vitað til þess að það lyf hafi einhverja aukaverkun fyrir mig. Nú langar mig til að þið þarna á ritstjórninni, gætuð uppfrætt mig um þetta ég er búin að leita en finn ekkert .
Svar:
Ég tel ólíklegt að munnþurrkurinn stafi af töku Levaxins, gæti þó hugsanlega verið. Aukaverkanir Levaxins eru litlar eða engar ef skammtar eru réttir, það er mikilvægt að fara reglulega í blóðmælingu til að athuga styrk í blóði. Við ofskammtanir geta komið fram aukaverkanir eins og aukin hjartsláttur, höfuðverkur,eirðarleysi, ofsviti og niðurgangur. Það er mjög persónubundið hvernig lyfin virka á mann. Er eitthvað annað sem að þú tekur td fæðubótarefni eða náttúrulyf ? Munnþurrkur getur stafað af ýmsu. Mataræði og munnhirða geta haft áhrif á munnvatnsmyndun. Hafðu samband við lækninn þinn, það er gott að tilkynna óþekktar aukverkanir inn í gagnabankann.
Með kveðju,
Sigríður
Lyfjafræðingur