Náttúrulyf og tíðahvörf?

Spurning:

Er til náttúrlyf gegn einkennum tíðahvarfa?

Er til eitthvert náttúrulyf, sem vinnur gegn einkennum tíðahvarfa s.s. svitakófum? Ég á við einhverjar aðrar leiðir en að taka hormóna.

kveðja,
Fimmtug

Svar:

Kvöldvorrósarolía hefur verið notuð við fyrirtíðaspennu. Hún inniheldur gamma línolen sýru sem er forefni prostaglandína af röð 1. Talið er að fyrirtíðaspenna og ýmislegt annað megi rekja til röskunar á framleiðslu á þessum prostaglandínum. Aukaverkanir af kvöldvorrósrolíu geta verið t.d.: höfuðverkur, ógleði og niðurgangur.

Kveðja,
Jón Pétur Einarsson, lyfjafræðingur