Ég taldi þetta vera vegna sýkingar í eyra, en læknir segir það ekki vera. Hvað getur annað orsakað svona sára stingi við eyra og upp í höfuð.?
Ég er ekki með skemmdar tennur.
Sæl/l og takk fyrir fyrirspurnina.
Algengustu ástæður fyrir verk í eyra eru sýkingar í kjölfar vökvasöfnunar eða truflunar í vökvaflæði í innra eyra. Aðrar ástæður geta verið;
- áverki á höfuð eða eyra
- sýking í ytri eyrnagöngum
- sýking í ytra eyra, brjóski eða eyrnasneplum
- erting eða sýking við taugar í eyra
- hálsbólga
- bólgur við kjálkaliði t.d. eftir að gnísta tönnum eða skakkt bit
- söfnun eyrnamergs í eyra
Ef búið er að skoða eyrað af lækni og útiloka bólgur og eyrnamerg má athuga hvort verkur komi út frá kjálkaliðum.
Gangi þér vel,
Guðrún Ólafsdóttir,
hjúkrunarfræðingur