Er eðlilegt ef maður borðar mikið að feitum mat að hafa svartar vatnskendar hægðir?
Góðan dag og þakka þér fyrir fyrirspurnina.
Ég myndi ekki telja augljós tengsl á milli feitrar fæðu og svartra vatnskenndra hægða.
Ef hægðir eru svartar eða hægðir dökkar og tjörukenndar getur það verið vísbending um blæðingu í meltingarvegi. Bæði ferskt og sýnilegt með berum augum og svo svartar hægðir, sem geta orsakast af blæðingu ofar í meltingarveginum. Mælt er með að allar blæðingar í hægðum séu teknar alvarlega og því myndi ég ráðleggja þér að hitta þinn heimilislækni sem allra fyrst og fara yfir málin.
Gangi þér vel,
Sigríður Ólafsdóttir
Hjúkrunarfræðingur